İDMAN


İtaliyada futbol matçlarında irqçi şüarlar səsləndirən azarkeşlərin stadionlara girişi qadağan edilə bilər

Roma, 20 oktyabr, AZƏRTAC

İtaliya Futbol Federasiyasının (FIGC) prezidenti Qabriele Qravina futbol matçlarında irqçi şüarlar səsləndirən azarkeşlərin stadionlara girişinə ömürlük qadağa qoyulmasının vacibliyini vurğulayıb.

AZƏRTAC xəbər verir ki, son həftələrdə “Serie A” matçlarında artan irqçi şüarlara münasibət bildirərkən FIGC prezidenti deyib: “Həmin şəxsləri müəyyən etmək imkanlarımız var. Onların müəyyən olunub stadionlardan uzaqlaşdırılmasını istəyənlər haqlıdırlar. Bu şəxslərin stadionlara girişi ömürlük qadağan edilməlidir”.

Q.Qravina belə hallar zamanı ümumilikdə tribunaların cəzalandırılması əvəzinə fərdi sanksiyaların tətbiq edilməsinin daha məntiqli olduğunu deyib. O, klubların bu istiqamətdə əməkdaşlıq edəcəkləri təqdirdə onların da məsuliyyətlərini və sanksiyalarını yüngülləşdirə biləcəklərini söyləyib.

İrqçi şüarlar səsləndirən azarkeşləri müəyyən etmək üçün lazımi texnologiyanın mövcud olduğunu deyən Q.Qravina bildirib ki, həmin şəxslər müəyyən olunaraq stadionlardan qovulmalı və bir daha matçları tribunadan izləmələrinə icazə verilməməlidir.

Nihad Budaqov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.