DÜNYA
İtaliyada koronavirus qurbanlarının sayı 152,5 min nəfəri ötüb
Roma, 19 fevral, AZƏRTAC
İtaliyada koronavirusdan ölənlərin sayı 152,5 min nəfəri keçib.
AZƏRTAC xəbər verir ki, Səhiyyə Nazirliyinin məlumatına görə, son sutkada COVID-19-un qurbanlarının sayı 314 nəfər artaraq 152 min 596-ya çatıb. Ölkədə daha 55 min 662 nəfər COVID-19 infeksiyasına yoluxub, virusa yoluxanların ümumi sayı 12 milyon 377 min 98-dir. Aktiv koronavirus xəstələrinin sayı 1 milyon 404 min 122 nəfərdir.
Bu vaxtadək İtaliyada 132 milyon 959 min 829 doza peyvənd vurulub. Hər iki doza peyvənd qəbul edənlərin sayı isə 48 milyon 15 min 405 nəfərdir (peyvənd olunanların 12 yaşdan yuxarı əhaliyə nisbəti isə 88,9 faizdir). İndiyədək 36 milyon 754 min 194 doza əlavə peyvənd tətbiq olunub.
Ölkədə 5 milyondan çox insanın hələ də vaksinasiyadan keçmədiyi və onların əksəriyyətinin 50 yaşdan yuxarı olduğu bildirilir.
Nihad Budaqov
AZƏRTAC-ın xüsusi müxbiri
Roma