DÜNYA


İtaliyada ötən ildən indiyə kimi qripdən 52 ölüm halı qeydə alınıb

Roma, 9 fevral, AZƏRTAC

İtaliyada ötən il epidemiya yayılmağa başlayandan indiyə kimi qriplə bağlı 282 ağırlaşma və bundan 52 ölüm halı qeydə alınıb. Ölüm hadisəsinin 13-ü ötən həftə baş verib.

AZƏRTAC İtaliyanın “repubblica.it” saytına istinadla xəbər verir ki, bu barədə ölkənin Ali Səhiyyə İnstitutunun (ISS) “Influnet” epidemiya müşahidə şəbəkəsi məlumat verib.

Qriplə bağlı ağırlaşma və ölüm hallarının sayında əvvəlki həftələrlə müqayisədə ötən həftə artım baş verdiyi bildirilib. Qeyd edilib ki, qripə yoluxma halları həftə ərzində maksimum həddə - 832 minə çatıb.

ISS–nin məlumatına əsasən, qeydə alınan qriplə bağlı ağırlaşma hallarının təxminən 80%-i, ölüm hallarının isə 85%-i daha əvvəl mövcud olan xroniki xəstəliklə əlaqəli olub.

Asiman Əsədov

AZƏRTAC-ın xüsusi müxbiri

Roma 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.