DÜNYA


İtaliyada sərnişindaşımada yeni qaydalar qüvvəyə minib

Roma, 27 iyun, AZƏRTAC

İyunun 27-dən İtaliyada hava nəqliyyatı üzrə sərnişindaşımada yeni qaydalar tətbiq olunacaq.

AZƏRTAC xəbər verir ki, təyyarə bortundakı sərnişin sayına məhdudiyyət qoyulmasa da, aeroporta girişdə və minik zamanı ciddi qaydalar tətbiq olunacaq. Belə ki, hər iki mərhələdə sərnişinin qızdırması ölçüləcək, əgər temperatur 37,5-dən yuxarı olarsa sərnişin aeroport ərazisinə buraxılmayacaq. Bundan əlavə, sərnişin son iki həftədə COVID-19 simptomları olan xəstə ilə ünsiyyətdə olmaması barədə yazılı arayış təqdim etməlidir. Habelə son 8 gün ərzində özündə səhhəti ilə bağlı hər hansı şübhəli vəziyyət müşahidə edibsə, bu barədə aviaşirkətə məlumat verməlidir.

Təyyarə bortuna əl baqajı götürmək də qadağan olunub. Sərnişin özü ilə təyyarəyə yalnız qadın və ya kişi əl çantası apara bilər. Digər çantalar baqaja təhvil verilməlidir.

Aygün Əliyeva

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.