DÜNYA


İtaliyada uşaqların mobil telefonlardan istifadəsini məhdudlaşdıran qanun qəbul edilə bilər

Roma, 1 may, AZƏRTAC

İtaliya Parlamentinin Nümayəndələr Palatasında bir qrup deputat 12 yaşadək uşaqların mobil telefon və tabletlərdən istifadəsini məhdudlaşdıran qanun layihəsi ilə çıxış edib.

AZƏRTAC xəbər verir ki, layihəyə əsasən, qanunun tələblərinin pozulması halında valideynlər 300 avrodan 1500 avroyadək pul ödəməli olacaqlar. Layihədə, həmçinin üç yaşadək körpələrin elektron cihazlardan istifadəsi qəti qadağan olunur.

Qeyd edilir ki, 4-12 yaş arası uşaqların smartfon və tabletlərdən istifadəsi vaxt məhdudiyyəti və böyüklərin nəzarəti altında mümkün olmalıdır. Qanun layihəsini dəstəkləyənlər arasında İtaliyanın keçmiş təhsil naziri Lorenzo Fioramenti də var.

L. Fioramonti açıqlamalarının birində şagirdlərin ciblərində gəzdirdikləri mobil telefonları onların gələcəyini məhv edən silah adlandırmışdı.

Parlamentarilər qanun layihəsini təqdim edərkən elmi araşdırmalar nəticəsində elektron cihazların uşaqların yeni biliklərə yiyələnməsinə problem yaratdığını, nitqin inkişafını ləngitdiyini, əsəbi, aqressiv və stressli əhval-ruhiyyəyə yol açdığını bildiriblər.

Elgün Niftəli

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.