DÜNYA


İtaliyalı pilotlar Baltik səmasının mühafizəsi üzrə estafeti Belçika Hərbi Hava Qüvvələrinə ötürüblər VİDEO

Tallin, 3 dekabr, AZƏRTAC

Estoniyanın Emari aviabazasında Baltikyanı ölkələrin hava məkanının mühafizəsi üzrə estafet İtaliya Hərbi Hava Qüvvələrindən (HHQ) Belçika HHQ-yə ötürülüb.

AZƏRTAC Estoniya mətbuatına istinadla xəbər verir ki, Estoniyanın müdafiə qüvvələrinin komandanı general-leytenant Martin Herem italiyalı hərbi qulluqçulara göstərdikləri xidmətlərə görə təşəkkürünü bildirib. O, növbəti dörd ay ərzində Estoniyada qalacaq belçikalı hərbçiləri salamlayıb.

Estoniyanın “Postimees" portalının məlumatına əsasən, Belçika Hərbi Hava Qüvvələrinin 10-cu taktiki qrupunun heyətindən ayrılan F-16 qırıcılarının növbətçi dəstəsi gecə-gündüz Baltik səmasında növbə çəkəcək, təlim uçuşları həyata keçirəcək.

NATO ölkələrinin Hərbi Hava Qüvvələri 2004-cü ildən etibarən Estoniya, Latviya və Litvanın hava məkanını qoruyur. Hava polisi missiyasında iştirak edən təyyarələr Litvada Şaulyay və Estoniyada Emari aviabazalarında yerləşdirilib.

Asiman Əsədov

AZƏRTAC-ın xüsusi müxbiri

Tallin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.