DÜNYA


İtaliyanın Baş naziri Mario Draqi Türkiyəyə səfərə yola düşüb

Roma, 5 iyul, AZƏRTAC

İtaliyanın Baş naziri Mario Draqinin rəhbərlik etdiyi nümayəndə heyəti Türkiyəyə rəsmi səfərə yola düşüb.

AZƏRTAC xəbər verir ki, nümayəndə heyətinin səfərinin məqsədi Ankarada keçiriləcək Türkiyə ilə İtaliya arasında hökumətlərarası zirvə toplantısında iştirak etməkdir.

Nümayəndə heyətinin tərkibində İtaliyanın xarici işlər və beynəlxalq əməkdaşlıq naziri Luici Di Maio, daxili işlər naziri Lusiana Lamorqese, müdafiə naziri Lorenzo Querini, iqtisadi inkişaf naziri Giankarlo Giorgetti və ekoloji transformasiya naziri Roberto Cinqolani var.

Üçüncüsü keçiriləcək hökumətlərarası zirvə toplantısında iki ölkə arasında siyasi münasibətlər və ticarət həcminin artırılması, eləcə də qlobal məsələlərin müzakirəsi nəzərdə tutulur.

Xatırladaq ki, iki ölkə arasında hökumətlərarası zirvə toplantısının birincisi 2008-ci ildə İzmirdə, ikincisi isə 2012-ci ildə Romada keçirilib.

 
Nihad Budaqov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.