DÜNYA


İtaliyanın Baş naziri Strasburqda baş verən terror aktını pisləyib

Roma, 17 dekabr, AZƏRTAC

Avropa təşkilatlarının yerləşdiyi və vahid Avropanın simvolu olan Strasburqda yeni il yarmarkasında istirahət vaxtı törədilən qorxaq həmlə müdafiəsiz vətəndaşların ölümünə səbəb olub.

AZƏRTAC ANSA agentliyinə istinadla xəbər verir ki, bu barədə İtaliyanın baş naziri Cuzeppe Konte “Twitter” səhifəsində bildirib.

Baş naziri Strasburqda biri İtaliya vətəndaşı olmaqla üç nəfərin həyatını itirdiyi və 13 nəfərin yaralandığı terror aktını kəskin şəkildə pisləyərək hadisə qurbanlarının ailələrinə və Fransa xalqına dərin hüznlə başsağlığı verib.

Xatırladaq ki, dekabrın 11-də axşam saatlarında Strasburq şəhərinin mərkəzindəki yeni il yarmarkasında insanlara atəş açılıb. Son məlumata əsasən, Strasburq merinin terror aktı adlandırdığı insident nəticəsində 3 nəfər həlak olub, 13 nəfər yaralanıb. Cinayəti törətməkdə şübhəli bilinən 29 yaşlı Strasburq sakini Şerif Şekat hadisə yerindən qaçaraq gizlənib və iki sutka sonra Nodorf məhəlləsində polislə atışma zamanı öldürülüb.

Asiman Əsədov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.