DÜNYA


İtaliyanın İskya adasındakı torpaq sürüşməsində ölənlərin sayı 11-ə yüksəlib

İtaliyanın İskya adasındakı torpaq sürüşməsində ölənlərin sayı 11-ə yüksəlib

Roma, 2 dekabr, AZƏRTAC

İtaliyanın İskya adasında noyabrın 26-da daşqın nəticəsində baş vermiş torpaq sürüşməsində itkin düşən 4 nəfərdən 3-nün cəsədi tapılıb. Beləliklə də təbii fəlakət nəticəsində ölənlərin sayı 11-ə çatıb.

AZƏRTAC xəbər verir ki, hazırda itkin düşmüş bir nəfərin axtarış-xilasetmə əməliyyatları davam etdirilir.

Torpaq sürüşməsi nəticəsində insan tələfatı ilə yanaşı, bəzi evlərin torpaq altında qalması və çoxlu avtomobilin dənizə sürüklənməsi maddi ziyana səbəb olub. Hökumət fəsadların aradan qaldırılması üçün 2 milyon avro ayırıb. Təbii fəlakət adada qeyri-qanuni tikinti problemini də yenidən gündəmə gətirib.

Qeyd edək ki, noyabrın 25-də İskya adasına təxminən 120 millimetr yağıntı düşüb. Bu, son 20 ilin ən güclü yağışı olub. Daşqın nəticəsində baş vermiş torpaq sürüşməsində azı 10 bina dağılıb, 230-dək insan evlərini tərk etmək məcburiyyətində qalıb.

 
Nihad Budaqov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.