SİYASƏT


İtaliyanın sabiq Xarici İşlər naziri: Münaqişənin nizamlanmasında BMT Təhlükəsizlik Şurasının qətnamələri əsas olmalıdır

Bakı, 14 iyul, AZƏRTAC

İtaliyanın sabiq Xarici İşlər naziri, “Marco Pannella” Hüququn Aliliyi Qlobal Komitəsinin prezidenti Culio Terzi və həmin komitənin katibi Matteo Anciolinin Ermənistan silahlı qüvvələrinin iyulun 12-də Azərbaycan-Ermənistan dövlət sərhədinin Tovuz istiqamətində təxribatlarına dair birgə yazısı İtaliyanın “L’Opinione” qəzetində dərc olunub.

AZƏRTAC xəbər verir ki, “Ermənistan və Azərbaycan arasında silahlı qarşıdurmalar: rasionallıq və beynəlxalq hüquqa çağırış” başlıqlı yazıda qeyd olunur ki, döyüşlər Azərbaycan Prezidenti İlham Əliyevin üç onillikdir ki, davam edən münaqişənin sonlandırılması məqsədilə Ermənistanla aparılan danışıqlar prosesinin Ermənistan tərəfinin destruktivliyi səbəbindən dalana dirənməsi faktını pisləməsindən bir neçə gün sonra başlayıb. Ermənistan tərəfi, əslində, status-kvonun, yəni Dağlıq Qarabağ regionunu Ermənistan silahlı qüvvələrinin nəzarəti altında saxlamağa davam etməsinin birtərəfli qaydada qorunub saxlanılmasında maraqlı görünür.

“Biz qəti şəkildə ümid edirik ki, bu ciddi insidentlər dərhal dayandırılacaq və Ermənistan Azərbaycanla danışıqları bərpa edəcək. Beynəlxalq sənədlər və BMT Təhlükəsizlik Şurasının çoxsaylı qətnamələri, xüsusilə də Azərbaycan ərazilərinin Ermənistan tərəfindən işğalı ilə bağlı suverenlik, ərazi bütövlüyü və sərhədlərin toxunulmazlığı prinsiplərinin tətbiqini nəzərdə tutan 1993-cü il tarixli qətnamələr əsas təşkil etməlidir”, - deyə müəlliflər bildirirlər.

Yazıda, habelə silahlı qarşıdurmaların baş verdiyi Tovuz rayonu ərazisindən İtaliyaya da neft nəql edən Bakı-Tbilisi-Ceyhan neft kəmərinin, Cənub Qaz Dəhlizinin başlanğıcını təşkil etməsi baxımından maraq doğuran Cənubi Qafqaz Boru Kəmərinin və Bakı-Tbilisi-Qars dəmir yolu xəttinin keçdiyi xüsusilə vurğulanır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.