DÜNYA


İtaliyanın şimalında şiddətli fırtına fəsadlara səbəb olub

Roma, 6 iyul, AZƏRTAC

İtaliyanın şimal regionlarında baş verən şiddətli fırtına fəsadlar törədib.

AZƏRTAC xəbər verir ki, Lombardiya və Emiliya-Romaniya bölgələrində təsirli olan fırtına can və mal itkisinə səbəb olub. Təbii fəlakət nəticəsində Emiliya-Romaniya regionunda bir nəfər uçan divarın altında qalaraq həlak olub. Güclü külək Fiorenzuolada xəstəxananın dam örtüyünü uçurub, xəstələr təxliyə edilib.

Cremona şəhərində ağacların aşması səbəbindən bir çox yollar bağlanıb, bəzi ağaclar isə yoldakı nəqliyyat vasitələrinin üzərinə düşüb.

Fırtına nəticəsində dəyən ziyanın qiymətləndirilməsi davam edir.

Nihad Budaqov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.