CƏMİYYƏT


“Iteca Caspian” və “Caspian Event Organisers” plastik beyc və torbalardan imtina edəcək

Bakı, 24 yanvar, Laçın Sultanova, AZƏRTAC

Sərgilərin təşkili üzrə ixtisaslaşmış “Iteca Caspian” və “Caspian Event Organisers” şirkətləri bu il də “Təbiəti qoru” devizi altında həyata keçirilən tədbirləri davam etdirəcəklər.

“Iteca Caspian” şirkətindən AZƏRTAC-a bildiriblər ki, sərgilərdə plastik torbalardan tamamilə imtina edilməsi, təkrar emal olunmuş kağızdan hazırlanan paketlərdən və digər məhsullardan istifadə olunması planlaşdırılır.

Şirkət xatırladıb ki, hələ ötən ildən sərgilərin təşkilatçıları özlərinin sosial məsuliyyət proqramları çərçivəsində “Təbiəti qoru” devizi altında bir sıra tədbirlər həyata keçirməyə başlayıblar. Bu proqrama uyğun olaraq, şirkətlər ofislərdə istifadə olunmuş bütün kağızları yenidən istifadə məqsədilə təkrar emala göndərirlər. Bundan başqa, sərgilərdə ziyarətçilərin və iştirakçıların bütün beycləri kağızdan hazırlanır. Qeyd olunmalıdır ki, “Iteca Caspian” və “Caspian Event Organisers” şirkətlərinin təşkil etdikləri hər bir sərgiyə orta hesabla 5 min nəfər gəlir. Kağız beyclərə keçilməsi plastikdən istifadəni xeyli azaltmağa imkan verib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.