ELM VƏ TƏHSİL


İyulun 5-də elan edilmiş ümumi müsahibələrin keçirilmə qrafiki müəyyənləşdirilib

Bakı, 17 avqust, AZƏRTAC

Dövlət İmtahan Mərkəzi (DİM) tərəfindən iyulun 5-də elan edilmiş ümumi müsahibələrin keçirilmə qrafiki müəyyənləşdirilib.

DİM-dən AZƏRTAC-a bildirilib ki, elan üzrə səkkiz dövlət orqanında B növü üzrə inzibati dövlət qulluğu vəzifələrinə aid olan 32 vakant vəzifə müsahibəyə çıxarılıb. Cəbrayıl Rayon Məhkəməsində vakant olan bir vəzifəyə, Şabran Rayon Məhkəməsində iki vəzifəyə, Kəlbəcər Rayon Məhkəməsində bir vəzifəyə namizədlər tərəfindən müraciət edilməyib. Ümumilikdə isə 51 namizəd müsahibələrdə iştirak üçün qeydiyyatdan keçib.

Müsabiqə vəziyyətinin yüksək müşahidə olunduğu vəzifələr Hesablama Palatasında sosial sahələrin auditi şöbəsində məsləhətçi (1 vakant yer üzrə 14 namizəd), sosial müdafiə və sosial təminat sahələrinin auditi şöbəsində aparıcı məsləhətçi (1 vakant yer üzrə 13 namizəd) vəzifələri olub.

Müsahibələrin avqustun 31-dən sentyabrın 17-dək keçirilməsi planlaşdırılır. Qeydiyyatdan keçmiş namizədlər müsahibənin vaxtı və yeri haqqında daha ətraflı məlumatı http://eservices.dim.gov.az/dqq/Report/MsbMshQrafiki?ElanID=17  linkindən əldə edə bilərlər.

Nəzərə almaq lazımdır ki, müsahibələrin təşkili və keçirilməsi üçün DİM və dövlət orqanları tərəfindən kifayət qədər vəsait və resurslar sərf olunur. Mərkəz namizədlərin nəzərinə çatdırır ki, onların müsahibəyə qatılmamaları üzrlü hal kimi qəbul olunmur, namizədlərin məsuliyyətsizliyi kimi xarakterizə edilir və belə hallar DİM-in məlumat bazasında qeydiyyata alınır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.