DÜNYA


İyulun sonunadək Avropa İttifaqında yaşlı əhalinin 70 faizi peyvəndlənəcək

Bakı, 10 iyul, AZƏRTAC

Avropa İttifaqı ölkələri iyulun sonunadək yaşlı əhalinin 70 faizini peyvəndləmək üçün kifayət qədər vaksin dozası alıb.

AZƏRTAC xəbər verir ki, bu barədə şənbə günü Avropa Komissiyasının rəhbəri Ursula fon der Lyayen məlumat verib.

“Avropa İttifaqı sözünə əməl edib. Bu istirahət günləri biz üzv ölkələrə yetkinlik yaşına çatmış Aİ vətəndaşlarının azı 70 faizinin tam peyvənd olunması üçün yetərli miqdarda vaksin tədarük etmişik. Sabahdan etibarən 500 milyon doza vaksin Avropa İttifaqının regionları arasında paylanacaq”, - deyə Ursula fon der Lyayen bildirib.

Avropa İttifaqında yaşlı insanların peyvəndlənməsi ilə paralel olaraq, uşaqların və yeniyetmələrin vaksinasiya prosesinə də start verilib.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.