CƏMİYYƏT


İyunun birinci ongünlüyü orta temperaturun çoxillik iqlim normasından 3-5ºC yüksək olması ilə səciyyələnib

Bakı, 16 iyun, AZƏRTAC

Respublikanın əksər bölgələrində iyun ayının birinci ongünlüyü havanın orta temperaturunun çoxillik iqlim normasından 3-5ºC yüksək olması və az yağıntılı hava şəraiti ilə səciyyələnib.

Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, havanın dekadalıq orta temperaturu paytaxt üzrə Maştağada 24,1º, Naxçıvanda 26,4º, Mil-Muğan, Mərkəzi Aran, Gəncə-Daşkəsən və Qarabağ bölgələrində 25-26⁰, Lənkəran-Astarada 23-26º, Dağlıq Şirvan bölgəsində və Qubada 22º, Şəki-Zaqatalada 24-26⁰, Qazax-Tovuzda 19-26⁰ təşkil edib.

Havanın minimum temperaturu isə Gədəbəy və Mərəzədə 10º, İsmayıllıda 11º, Naxçıvan və Lənkəranda 13º, Acınohur və Qubada 14º, Cəfərxan və Şamaxıda 15º, Astarada 16º, Şəki, Zərdab və Bərdədə 17º, Maştağa, Gəncə, Ceyrançöl, Tovuz və Zaqatalada 18º, Göyçayda 19º olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.