DÜNYA


İzmirdə Zəfər yürüşü keçirilib

Ankara, 9 sentyabr, AZƏRTAC

Türkiyənin İzmir şəhərinin yunan işğalından azad olunması münasibətilə “Zəfərin 98-ci ildönümü” şüarı altında izdihamlı yürüş keçirilib.

AZƏRTAC xəbər verir ki, bu münasibətlə şəhərin küçə və meydanları bayramsayağı bəzədilib. Zəfər yürüşünə qatılanlar 350 metr uzunluğunda dövlət bayrağını Lozan meydanına qədər daşıyıblar.

Sonra Türkiyə Silahlı Qüvvələrinin “Türk Ulduzları”nın möhtəşəm uçuşları olub.

Açıq havada Zəfər Gününü tərənnüm edən müxtəlif tədbirlər keçirilib.

Qeyd edək ki, 1922-ci il avqustun 26-da Türkiyə xalqının yadelli işğalçılara qarşı başladığı qurtuluş mübarizəsinin həlledici mərhələsi olan “Böyük hücum” sentyabrın 9-da İzmirdə şanlı qələbə ilə başa çatıb.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.