“JAK-40” TƏYYARƏSİ ŞƏXSİ HEYƏTİN GÜNAHI UCBATINDAN QƏZAYA UĞRAMIŞDIR

AZƏRTAC-ın xüsusi müxbiri xəbər verir ki, bu il yanvarın 13-də Daşkənd aeroportunda “JAK-40” təyyarəsinin qəzaya uğramasının səbəblərini araşdıran hökumət komissiyasının qərarı elan edilmişdir. Qərarda deyilir ki, təyyarə aeroportun enmə zolağına yaxınlaşarkən mühərrik və radiotexniki cihazlar normal işləmiş, yanğın olmamışdır. Terror aktı törədilməsi də istisna edilir. Təyyarə qəzası enmə vaxtı şəxsi heyətin səhvi ucbatından baş vermişdir. Belə ki, pilotlar təyyarəni nəzərdə tutulduğundan tez endirmiş, beləliklə də təyyarə beton hasara dəyərək partlamışdır.

Xatırladaq ki, qəzada 37 nəfər həlak olmuşdur.