İDMAN


Jelko Obradoviç “Fənərbağça”da qalacaq

Bakı, 19 iyun, AZƏRTAC

“Fənərbağça” basketbol klubunun baş məşqçisi Jelko Obradoviç növbəti mövsümdə də İstanbul klubunda fəaliyyət göstərəcək.

AZƏRTAC xəbər verir ki, bu barədə Türkiyə və Yunanıstan mətbuatı məlumat yayıb.

Bildirilir ki, “Fənərbağça”nın prezidenti Ali Koçla görüşən serbiyalı mütəxəssis əməkdaşlığı davam etdirməklə bağlı razılığa gəlib. Yaxın günlərdə təcrübəli məşqçi komanda ilə müqaviləni daha iki il müddətinə yeniləyəcək.

Qeyd edək ki, J.Obradoviç məşqçi kimi 5 müxtəlif klubla 9 dəfə Avroliqanın qalibi olub. Həmin yarışlarda onun başçılığı ilə “Panatinaikos” 5, “Fənərbağça”, “Xoventud”, “Real” və “Partizan” komandaları isə hərəyə bir dəfə əsas mükafatın sahibi olublar. 2013-cü ildən “Fənərbağça”da işləyən mütəxəssis hazırda Avroliqanın ən titullu məşqçisidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.