İDMAN


Jil de Ferran: İki həftədən sonra Bakıda daha uğurla çıxış edəcəyimizə ümid bəsləyirik

Bakı, 15 aprel, AZƏRTAC 

Biz bir daha əmin olduq ki, idmanda güzəşt yoxdur. Birinci dövrədə baş verən insident komandanın yürüşünü korladı. Lakin biz mübarizəyə davam etdik və finişədək bütün imkanlarımızı ortaya qoyduq.

AZƏRTAC xəbər verir ki, “McLaren”in idman direktoru Jil de Ferran Formula 1 çempionatının Çin Qran-Prisindən sonra bu sözləri deyib.

“Yekun ürəkaçan olmasa da, buna baxmayaraq, uik-end bizə müsbət nəticələr çıxarmağa imkan verdi. Birincisi, xal qazana bilmiş rəqiblərin fonunda bizim yürüş tempimiz heç də pis deyildi. İkincisi, özünəməxsus unikal Çin trası bolidin davranışı barədə daha çox məlumat toplamağa şərait yaratdı. Buna görə də iki həftədən sonra Bakıda daha uğurla çıxış edəcəyimizə ümid bəsləyirik”, - deyə Jil de Ferran qeyd edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.