DÜNYA


“Juliet Victor şirin 2017” bu ilin yekunları üzrə ən yaxşı şirin şərab adına layiq görülüb

Budapeşt, 25 sentyabr, AZƏRTAC

Dünyanın ən böyük şərab müsabiqəsi “Decanter World Wine Awards 2020” bu ilin yekunları üzrə nəticələri açıqlayıb.

AZƏRTAC xəbər verir ki, bu ilki müsabiqə ilk dəfə olaraq distant formatında keçirilib. Macarıstanın Tokay bölgəsindəki Samorodni kəndinin üzüm bağlarının məhsulundan hazırlanmış “Juliet Victor şirin 2017” şərab növü ən yüksək mükafata layiq görülüb. Macar şərabçıları təqdim etdikləri növlərə görə digər bir sıra medal və mükafatlar da qazanıblar.

Hazırda keçirilən “Decanter World Wine Awards 2020” müsabiqəsi sayca 17-cidir. Bu müsabiqə Balkan və Şərqi Avropa kimi az tanınmış bir çox şərabçılıq bölgələri üçün də uğurlu olub. Kütləvi İnformasiya Vasitələri buradakı şərabçıların yüksək keyfiyyətli məhsullar nümayiş etdiyini vurğulayırlar. 116 ekspert-hakim kollegiyası 56 ölkədən göndərilmiş 16 min 518 şərab növünü bir ay müddətində dequstasiyadan keçirərək onların üstünlüklərini müzakirə ediblər.

Pərvanə Qarayeva

AZƏRTAC-ın xüsusi müxbiri

Budapeşt

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.