SİYASƏT
KANADADA YAŞAYAN SOYDAŞLARIMIZ BİRLİYƏ, HƏMRƏYLİYƏ DƏVƏT EDİRLƏR
Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a bildirmişlər ki, Kanadada yaşayan azərbaycanlılar, orada Azərbaycanın diplomatik nümayəndəliyi olmadığı üçün seçkilərdə iştirak etməsələr də, bu prosesin xalqımız və Vətənimiz üçün əhəmiyyətini düzgün qiymətləndirir, dövlətimizin bugünkü siyasi xəttini dəstəkləyirlər.
Soydaşlarımız seçkiqabağı müxalifətdən olan bəzi prezidentliyə namizədlərin çıxışlarından da narahatlıqlarını bildirirlər. Onların fikrincə, müxalifət liderlərinin çıxışları, verdikləri bəyanatlar Azərbaycanın imcinə zərbə vurur.
Kanadadakı soydaşlarımız digər ölkələrdəki diaspor təşkilatlarına və xalqımıza müraciət edərək, ölkədə sabitliyin qorunması, Azərbaycanın beynəlxalq nüfuzu naminə birliyə, həmrəyliyə dəvət edirlər.