REGİONLAR


KƏND TƏSƏRRÜFATI MƏHSULLARININ SATIŞI ÜZRƏ ƏLAQƏLƏRİN GENİŞLƏNDİRİLMƏSİNƏHƏSR OLUNMUŞ DƏYİRMİ MASA KEÇİRİLMİŞDİR

AZƏRTAC xəbər verir ki, fevralın 23-də Bakı Biznes Mərkəzində Azərbaycan-Rusiya iqtisadi forumu çərçivəsində ölkəmizin və Rusiyanın işgüzar adamları və sahibkarlarının iştirakı ilə “Meyvə və tərəvəz məhsullarının Rusiyaya satılması məsələləri. Problemlər və onların həlli yolları” və “Azərbaycan bazarının tələbləri nəzərə alınmaqla, kənd təsərrüfatı kompleksində emal və qida sənayesi ilə əlaqədar maşınqayırmanın inkişafı proqramının həyata keçirilməsi” mövzularında dəyirmi masa keçirilmişdir.

Kənd təsərrüfatı nazirinin müavini Bəhram Əliyev ötən əsrin 90-cı illərinin əvvəllərində tənəzzüldə olan aqrar sahədə müasir Azərbaycan dövlətinin banisi Heydər Əliyevin misilsiz xidmətləri sayəsində hazırda böyük yüksəliş baş verdiyini faktlarla diqqətə çatdırmış, Azərbaycan və Rusiya arasında aqrar-sənaye kompleksi sahəsində əlaqələrin genişləndirilməsinin əhəmiyyətindən danışmışdır. Natiq 2005-ci ildə Rusiyadan Azərbaycana 160,4 milyon ABŞ dolları məbləğində kənd təsərrüfatı məhsulları idxal edildiyini, eyni zamanda, respublikamızdan qonşu ölkəyə 130,2 milyon dollarlıq aqrar sənaye məhsulu ixrac olunduğunu söyləmişdir.

Rusiyanın İqtisadi İnkişaf və Ticarət Nazirliyinin məsul işçisi Yuri Levaşov, hər iki ölkənin iş adamları, özəl bölmənin nümayəndələri kənd təsərrüfatı sahəsində əməkdaşlığın, əlaqələrin inkişaf etdirilməsinin əhəmiyyətini vurğulamış, bu məsələdə qarşıda duran problemlərdən danışmış, onların həllinə dair təkliflərini vermişlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.