Azərbaycan Milli Karate Federasiyasından AZƏRTAC-a bildirmişlər ki, mayın 6-7-də Norveçin Stavanger şəhərində karatenin WKF üsulu üzrə Avropa çempionatı keçiriləcəkdir.

Azərbaycan Milli Karate Federasiyasının prezidenti, VII dan qara kəmər sahibi Yaşar Bəşirov Avropa çempionatında rəsmi qonaq kimi iştirak edəcəkdir. O, yarış ərəfəsində beynəlxalq qurumun nümayəndələri ilə görüşərək, noyabrın əvvəlində keçiriləcək dünya çempionatında yığma komandamızın iştirak etməsi məsələsini müzakirə edəcəkdir.