İQTİSADİYYAT


KOBİA əl dezinfeksiyaedici vasitə istehsalına dəstək göstərib

Bakı, 29 mart, AZƏRTAC

Kiçik və Orta Biznesin İnkişafı Agentliyi (KOBİA) əl dezinfeksiyaedici vasitə istehsalına dəstək göstərib.

KOBİA-dan AZƏRTAC-a bildirilib ki, yerli “Laric Chemical” şirkəti tərəfindən istehsal olunan əl dezinfeksiyaedici vasitə hazırda istehlakçılara, idarə və müəssisələrə 1 və 5 litrlik qablarda təqdim olunur. Müəssisə tərəfindən məhsulun 400 və 500 millilitr qablarda da qablaşdırılması istiqamətində iş aparılır.

Qeyd edək ki, “Laric Chemical” şirkəti 2017-ci ildən yuyucu və təmizləyici məhsulların istehsalı ilə məşğul olur. KOBİA koronavirus pandemiyası ilə bağlı əhalinin tibbi spirtə, əl dezinfeksiyaedici vasitələrə olan tələbatının ödənilməsi üçün sahibkarlıq subyektlərinin bu istiqamətdə təşəbbüslərini dəstəkləyir və səlahiyyətləri çərçivəsində belə məhsullar istehsal etmək istəyən sahibkarlara dəstək göstərir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.