AZƏRTAC xəbər verir ki, “Neftçi” İdman Sağlamlıq Mərkəzində 1994-cü il təvəllüdlü və daha az yaşlı oğlan və qızlar arasında 12 noyabr – Konstitusiya gününə həsr olunmuş stolüstü tennis turnirinə yekun vurulmuşdur.

Oğlanlar arasında yarışda Əkbər Qubuşov (Qaradağ Tennis Məktəbi) birinci yer tutmuşdur. Sumqayıt idmançısı Emin Abdullayev ikinci, “Lokomotiv” idman cəmiyyətinin təmsilçisi Rüfət Talıbov üçüncü olmuşlar. Kiçik yaşlı qız tennisçilərin mübarizəsində isə ilk üçlüyü Suğra Talıbova (“Lokomotiv”), Nuranə Nəbiyeva (Sumqayıt) və Lalə Pirumova (Suraxanı UGİM) təşkil etmişlər.