CƏMİYYƏT


“KWU–Azərbaycan” təşkilatının ilk seminarı keçirilib

Bakı, 18 sentyabr, AZƏRTAC

Bakının Novxanı çimərliyində “Dünya Kyokuşin Birliyi (KWU) – Azərbaycan” Təşkilatının ilk seminarı keçirilib. Seminarın məqsədi yeni tədris ilində idmanla məşğul olan tələbə və məktəblilərin keçiriləcək onlayn və yaxud ənənəvi dərslərə diqqətlə və ciddi yanaşması, onların sağlamlığının möhkəmləndirilməsi, təlimatçıların və məşqçilərin ixtisasının artırılması, hakimlərin təcrübi biliklərinin və idmançıların ustalıq səviyyələrinin artırılmasına nail olmaqdan ibarətdir.

Azərbaycan Tibb Universitetinin mətbuat xidmətindən AZƏRTAC-a verilən məlumata görə, 180 nəfər idmançının iştirak etdiyi seminarda iştirakçılar yaşlarına və kəmər dərəcələrinə görə üç qrupa bölünüblər. Böyük qruplar təlim məşqlərini suyun içərisində, azyaşlılar isə qum üzərində keçiblər.

“KWU – Azərbaycan” Təşkilatının sədri, Azərbaycan Tibb Universitetinin “Təbib” idman klubunun məşqçi-müəllimi, Əməkdar məşqçi Qələndər Aslanovun verdiyi məlumat görə, seminarın yekununda məktəbli idmançılara gigiyenik qaydalara riayət edilməsi, maska taxılması, əllərin tez-tez yuyulması, spirtdən istifadə, immun sisteminin və əzələlərin zəifləməməsi üçün qida rejiminə diqqət yetirilməsı, ev şəraitində də idman məşqlərindən qalmamaq barədə tövsiyələr verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.