DÜNYA


Kabil aeroportundan beynəlxalq reyslər bərpa olunur

Bakı, 9 sentyabr, AZƏRTAC

Qətər mütəxəssisləri Kabil aeroportunda bütün avadanlıqları təmir ediblər, Əfqanıstandan beynəlxalq kommersiya reyslər bərpa olunur.

AZƏRTAC xəbər verir ki, bu barədə Qətər Xarici İşlər Nazirliyinin xüsusi elçisi Mütləq əl-Kahtani AI Jazeera telekanalının efirində bildirib.

“Bu, tarixi bir gündür, Kabil aeroportundan beynəlxalq kommersiya reysləri tədricən bərpa edilir. Kabilə ilk kommersiya reysləri Dohadan gələcək”, - xüsusi elçi belə deyib. Onun sözlərinə görə, qətərli mütəxəssislər Kabil aeroportundakı bütün avadanlıqları təmir edə biliblər. Aeroportda təxliyə aviareysləri dayandırılıb, biletlər üzrə adi hava hərəkəti başlayır.

Mütləq əl-Kahtani qeyd edib ki, bir müddət sonra Kabildən Qətər Hava Yollarının təyyarəsi yola düşəcək və bu reysə bilet almış ilk sərnişinləri aparacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.