DÜNYA


Kaliforniyada sürücü avtomobili qəsdən piyadaların üzərinə yeridib

Vaşinqton, 25 aprel, AZƏRTAC

Kaliforniya ştatının Sanniveyl şəhərində sürücü qəflətən avtomobili piyada kütləsinin üzərinə yeridib. Hadisə nəticəsində 8 nəfər zərər çəkib.

AZƏRTAC xəbər verir ki, polis nəfərlərinin sözlərinə görə, “sedan” tipli qara rəngli avtomobilin sürücüsü yol kənarında dayanan piyadaları vuraraq daha sonra ağaca çırpılıb. Şahidlərin polisə verdikləri məlumata görə, sürücünün əyləci basmaq istəyi barədə heç bir əlamət hiss olunmurdu. Bu səbəbdən də hüquq mühafizəçiləri onun avtomobili piyada kütləsi üzərinə qəsdən yönəltdiyini bildirirlər. Bəzi şahidlər isə bildiriblər ki, onlar sürücünün “Çox sağ ol, İsa!” və “Mən səni sevirəm, İsa!”, - deyə qışqırmasını da eşidiblər.

Hüquq-mühafizə orqanları bu hadisənin terrorçuluqla bağlı olub-olmadığını hələ müəyyən etməyiblər. Lakin onlar cinayətin bütün mümkün səbəblərini nəzərdən keçirirlər. Polis hadisə barədə Federal Təhqiqatlar Bürosunu xəbərdar edib və bu sürücüyə aid məlumatların yoxlanmasını xahiş edib. Cinayətkarın kimliyi artıq müəyyən edilib: bu, 35 yaşlı yerli sakin İsayya Coel Piplzdir.

Hadisədən zərər çəkmiş 8 nəfərin hamısı müxtəlif bədən xəsarətləri ilə xəstəxanaya yerləşdiriliblər. Bəzilərinin zədələri daha ciddidir. Ən kiçik zərərçəkənin 13 yaşı var.

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.