Kamil bir palançı olsa da insan…
AzerTAg.az
Sumqayıt, 8 fevral, AZƏRTAC
Xidmət Sahələri üzrə Sumqayıt Dövlət Peşə Təhsili Mərkəzinin müəllim və tələbə heyətinin məktəblilərlə görüşü olub.
Bu barədə AZƏRTAC-a mərkəzdən bildirilib.
Şəhərin 36 nömrəli məktəbində təşkil edilən görüşdə buraxılış siniflərinin şagirdlərinə müasir dövrdə peşə təhsilinin əhəmiyyəti barədə danışılıb. Onlara günümüzün xidmət sahələrinə aid müxtəlif peşələrə yiyələnmək üçün mövcud imkanlar barədə söhbət açılıb. Dahi Nizami Gəncəvinin “Kamil bir palançı olsa da insan, Yaxşıdır yarımçıq papaqçılıqdan” beytinin niyə bütün zamanlar üçün aktuallığı izah edilib.
Həmçinin şagirdlərə mərkəzin fəaliyyəti, tədris edilən ixtisaslar, öyrədilən peşələr və qəbul qaydaları haqqında ətraflı məlumat verilib.
Sonra Dövlət Peşə Təhsili Mərkəzinin tələbələri seçdikləri ixtisaslarla bağlı təəssüratlarını bölüşüb, əl işlərini məktəbə hədiyyə ediblər.
Xəbərin mətnində orfoqrafik səhv var
