CƏMİYYƏT
Kamran Əliyev: 2022-ci ildə prokurorluq orqanları tərəfindən 71,5 milyon manatdan çox ziyan ödətdirilib
Bakı, 27 yanvar, AZƏRTAC
Ötən il prokurorluq orqanlarında ibtidai istintaqı aparılaraq yekunlaşmış cinayət işləri üzrə ümumilikdə 100 milyon 609 min manat məbləğində maddi ziyan vurulduğu müəyyənləşdirilib. İstintaq tədbirləri ilə həmin ziyanın 71 faizinin - 71 milyon 566 min manat hissəsinin ödənilməsinə nail olunub.
AZƏRTAC xəbər verir ki, bu barədə Baş prokuror Kamran Əliyev yanvarın 27-də Baş Prokurorluqda keçirilən kollegiya iclasında bildirib.
Baş prokuror vurğulayıb ki, cinayət-prosessual qanunvericiliyinin tələblərinə əsasən, cinayət məsuliyyətindən azad edilmiş şəxslər tərəfindən dövlət büdcəsinə əlavə olaraq 20 milyon 213 min manat məbləğində pul vəsaiti ödətdirilib.