İQTİSADİYYAT


Kapital bazarları institutlarının əməkdaşları üçün təlimlər keçirilir

Bakı, 8 avqust, AZƏRTAC

Bakı Fond Birjasının (BFB) dəstəyi və Azərbaycan Fond Bazarı İştirakçılarının Assosiasiyası təşkilatçılığı ilə kapital bazarları institutlarının əməkdaşları üçün İstanbul Fond Birjasında (Borsa İstanbul) təlimlərə start verilib.

BFB-dən AZƏRTAC-a bildiriblər ki, Azərbaycan kapital bazarlarını təmsil edən ilk nümayəndə heyəti avqustun 6-dan 9-dək İstanbul Fond Birjasında təşkil olunmuş təlimlərdə iştirak edir.

Təlimlər kapital bazarında çalışan mütəxəssislərin bilik və bacarıqlarının təkmilləşdirilməsi məqsədilə təşkil olunub. Təlimlərdə Borsa İstanbulda törəmə maliyyə alətləri ilə ticarətin təşkili, pay bazarı və borc alətləri bazarında ticarət əməliyyatlarının aparılması, listinq, marketinq və satış, eləcədə Türkiyənin klirinq və hesablaşma evi olan "TakasBank"ın post ticarət əməliyyatları sahəsində təcrübəsi barədə təlimçilərə ətraflı məlumat veriləcək.

Eyni zamanda, təlimdə Bakı Fond Birjasının Listinq Məsləhət Proqramına qoşulmuş şirkətlərin də iştirakı nəzərdə tutulub.

Xatırladaq ki, bu, BFB tərəfindən təşkil olunan üçüncü təlimdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.