REGİONLAR


Karantin qaydalarını pozaraq yas mərasimi təşkil edənlər saxlanılıb

Kürdəmir, 2 dekabr, AZƏRTAC

Koronavirus pandemiyasının tüğyan etdiyi bir vaxtda Kürdəmirdə karantin qaydalarını kobud şəkildə pozaraq yas mərasimi təşkil edənlər saxlanılıb.

AZƏRTAC-ın bölgə müxbiri bildirir ki, rayonun Sığırlı kəndində Zeynalov Davud Zakir oğlu karantin qaydasını kobud şəkildə pozaraq yaşadığı evdə anasına yas mərasimi təşkil edib. Bununla əlaqədar rayon polis şöbəsinə daxil olan məlumata əsasən əraziyə baxış keçirilib və yas mərasimini təşkil edən ev sahibi Davud Zeynalov və onun qonaqları saxlanılaraq şöbəyə gətirilib.

Rayon polis şöbəsində saxlanılanlarla profilaktik söhbətlər aparılıb, sonra onların hər biri barəsində İnzibati Xətalar Məcəlləsinə əsasən cərimə tətbiq olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.