İDMAN


Karate üzrə milli komandamız V İslam Həmrəyliyi Oyunlarında iştirak etmək üçün Konyaya yola düşüb

Bakı, 14 avqust, AZƏRTAC

Karate üzrə milli komandamız V İslam Həmrəyliyi Oyunlarında iştirak etmək üçün Türkiyənin Konya şəhərinə yola düşüb.

Azərbaycan Milli Karate Federasiyasından AZƏRTAC-a bildirilib ki, kişilər arasında kumite yarışlarında Əminağa Quliyev (-60 kq), Tural Ağalarzadə (-67 kq), Fərid Ağayev (-75 kq), Pənah Abdullayev (-84 kq), Asiman Qurbanlı (84+ kq), qadınlarda İnci Əzizova (-50 kq), Mədinə Sadiqova (-55 kq), Ayla Rzazadə (-61 kq), İrina Zaretska (-68 kq) və Fəridə Əliyeva (68+ kq) çıxış edəcəklər.

Kata üzrə fərdi yarışlarda Roman Heydərov və Zəhra Qurbanzadə, komanda çıxışlarında İsmayıl Quliyev, Tural Balcanlı və Rövşən Əliyev qüvvələrini sınayacaqlar.

Beynəlxalq hakimlər Cahangir Babayev və Vüqar Kərimov karate yarışlarını idarə edəcəklər. Azərbaycan Milli Karate Federasiyasının prezidenti Yaşar Bəşirov idmançılarla bir yerdə olacaq.

Konyada V İslam Həmrəyliyi Oyunlarının karate yarışları avqustun 17-18 tarixlərində keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.