İDMAN


Karateçilərimiz Dünya Şotokan Federasiyasının Avropa çempionatında iştirak edəcəklər

Bakı, 19 may, AZƏRTAC

İdmançılarımız mayın 20-22-də Bolqarıstanın Albena Kranevo şəhərində Dünya Şotokan Federasiyasının (WSF) 12-ci Avropa çempionatında iştirak edəcəklər.

AZƏRTAC xəbər verir ki, 60-dək karateçi arasında milli komandanın üzvləri və müxtəlif regionların klublarından idmançılar da yer alacaqlar.

WSF-in icraiyyə komitəsinin üzvü və beynəlxalq təşkilatın Azərbaycanda rəsmi nümayəndəsi Rənad Əliyevin rəhbərlik etdiyi heyətdə iki hakim də yer alıb. Beynəlxalq hakim Mircabbar Seyidov və milli dərəcəli hakim Siyavuş Bayramov yarışı idarə edənlər arasında olacaq.

Mötəbər yarışa 14 ölkədən 803 idmançı qatılacaq. Qitə çempionatında 8 yaşlı uşaqlardan tutmuş 53 yaşadək veteranlar mübarizə aparacaqlar.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.