DÜNYA


Karlos Qonun həbsi daha 10 gün uzadılıb

Tokio, 31 dekabr, AZƏRTAC 

Tokio dairə məhkəməsi “Nissan” şirkətinin direktorlar şurasının sabiq sədri Karlos Qonun həbs müddətini növbəti dəfə daha 10 gün uzadıb.

AZƏRTAC xəbər verir ki, bu barədə Kyodo agentliyi məlumat yayıb.

Məlumatda qeyd edilir ki, noyabrın 19-da maliyyə pozuntularına görə həbs olunan Karlos Qon 2019-cu il yanvarın 11-dək Tokio həbsxanasında saxlanılacaq.

Xatırladaq ki, Karlos Qon və onun köməkçisi Qreq Kelli prokurorluğun vergidən yayınma ittihamı ilə həbs ediliblər. Lakin dekabrın 25-də Q.Kelli 70 milyon yen (təqribən 635 min dollar) girov müqabilində azadlığa buraxılıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.