DÜNYA


Kataloniyada sudan pulsuz istifadə üçün imza toplayırlar

Madrid, 21 sentyabr, AZƏRTAC

İstehlakçıların və istifadəçilərin hüquqlarının müdafiəsi təşkilatı Kataloniyanın müəssisələrində krandan suyun pulsuz verilməsi üçün imzatoplama kampaniyası keçiriblər.

AZƏRTAC xəbər verir ki, təşkilatın gətirdiyi dəlillərdən biri kəmərlə gələn suyun ucuz olmasıdır. Belə ki, 1 litr su 0,002 avrodan da az qiymətə başa gəlir. Aksiya fəalları əlavə edirlər ki, sudan pulsuz istifadə faydalı vərdişlər formalaşdıracaq, həmçinin plastikdən istifadəni azaldacaq. Onlar suyun insan üçün ilk zəruri vasitələrdən olduğunu bir daha qeyd edirlər.

Məsələ təkcə Kataloniyada deyil, İspaniyanın digər regionlarında da qaldırılıb. Kataloniyada restoran və mehmanxana biznesi sektorunun nümayəndələri buna qəti narazılıqlarını bildiriblər və bu layihənin müzakirəyə çıxarılmamasına qərar verilib.

Bununla belə, təşkilatda ümidlərini itirmirlər ki, içərisində su olan qrafinlər müəssisə tərəfindən masa üzərində təkcə “kompliment” kimi təklif edilməyəcək. Onlar bu təşəbbüsü İspaniyanın bütün bar və restoranlarına yaymaq niyyətindədirlər.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.