DÜNYA


Keçən il Avstriyada rəsmi olaraq Roma-katolik kilsəsindən çıxanların sayı çoxalıb

Vyana, 9 yanvar, AZƏRTAC

2018-ci ildə Avstriya Roma-katolik kilsəsindən üz döndərən insanların sayı əvvəlki illərə nisbətdə artıb. Yepiskopluqların məlumatları əsasında tərtib edilmiş statistikaya görə, ötən il 60 minədək insan rəsmi olaraq kilsədən çıxıb və bununla da Roma-katolik kilsəsinə mənsubluqlarını dayandırıb.

AZƏRTAC Avstriya Mətbuat Agentliyinə (APA) istinadla xəbər verir ki, bu göstərici 2017-ci illə müqayisədə 8,7 faiz artım deməkdir. Rəsmi olaraq kilsəni tərk edənlərin əksəriyyəti Vyana və Karintiya əyalətində yaşayan katoliklər olub. Ümumilikdə götürdükdə isə 5,5 milyon katolikin yaşadığı Avstriyada kilsədən çıxanların sayı 1,1 faizə bərabər olub.

Qeyd edək ki, Avstriyada Roma-katolik etiqadına mənsub insanlar illik gəlirin səviyyəsindən asılı olaraq kilsə vergisi ödəyirlər. Kilsəni tərk edən, lakin dini etiqadını dəyişməyən şəxslərin isə belə bir vergini ödəmək mükəlləfiyyətləri qalmır. Avstriya mətbuatında bu məsələ ilə bağlı rəylərdə bəzi insanların həqiqətən də kilsə, ruhanilər və ümumilikdə dini etiqadla bağlı konkret mövqeləri olduğu və buna görə də kilsəni tərk etdikləri qeyd edilsə də, bir qrup insanın kilsəni sırf maddi səbəbdən – kilsə vergisini ödəməkdən yaxasını qurtarmaq üçün tərk etdiyi də hər kəsə məlumdur.

 

Elgün Niftəli

AZƏRTAC-ın xüsusi müxbiri

Vyana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.