CƏMİYYƏT


Keçmiş məhkum Binə qəsəbəsində evdən pul və qızıl-zinət əşyaları oğurlayıb

Bakı, 7 oktyabr, AZƏRTAC 

Xəzər Rayon Polis İdarəsinin 3-cü polis bölməsinə müraciət edən Binə qəsəbə sakini N.Mustafayev evindən oğurluq edildiyini bildirib.

Daxili İşlər Nazirliyinin mətbuat xidmətindən AZƏRTAC-a bildiriblər ki, müraciətlə əlaqədar polis əməkdaşları dərhal hadisə yerinə gəlib, müvafiq tədbirlər həyata keçiriblər. Evin qapısının qıfılının sındırıldığı, 800 manat pul və 700 manat dəyərində qızıl-zinət əşyalarının oğurlandığı müəyyən edilib.

Oğurluğu törətməkdə şübhəli bilinən Binə qəsəbə sakini, əvvəllər də oğurluğa görə məhkum olunmuş Əlikram Şıxəliyev 3-cü polis bölməsinin əməkdaşları tərəfindən keçirilmiş əməliyyat-axtarış tədbirləri nəticəsində saxlanılıb. O, törətdiyi cinayət əməlini etiraf edib. Aparılan tədbirlərlə Ə.Şıxəliyevin qəsəbə ərazisindəki daha bir evdən 550 manat pul oğurladığı da müəyyənləşdirilib.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.