Kənan Quluzadə: Son dörd ayda ölkəmizin göstərdiyi nəticələr ötən illə müqayisədə 2 dəfə artıb

Şamaxı, 24 may, AZƏRTAC

Bu gün İpək yolu brendi adı altında olan turistik məhsulların gücləndirilməsi, daha geniş coğrafiyaya çıxarılması, milli tarixi irsimizin tanıdılması, təşkilata daxil olan dövlətlərin bir-biri arasında turistik əlaqələrin genişləndirilməsi və digər ölkələrdən bölgələrimizə turistlərin cəlb edilməsi, o cümlədən kombo turlar çərçivəsində bir neçə məhsullar var ki, iclasda müzakirə olunub.

AZƏRTAC xəbər verir ki, bu sözləri Dövlət Turizm Agentliyinin sədrinin müşaviri Kənan Quluzadə Türk Dövlətləri Təşkilatının Turizm nazirlərinin 7-ci iclası zamanı jurnalistlərə verdiyi müsahibədə deyib.

“Bizim birgə tariximiz, dilimiz var, ərazi cəhətdən də qonşu ölkələrik. Azərbaycanın son 4 ayda göstərdiyi nəticələr ötən illə müqayisədə 2 dəfə artıb və biz bu rəqəmləri tərəfdaşlıq etdiyimiz türk dövlətlərində də artırmağa çalışırıq”,- deyə Kənan Quluzadə bildirib.