REGİONLAR


Kəngərli Rayon Rabitə Evi üçün binanın tikintisi başa çatdırılıb

Kəngərli, 16 noyabr, AZƏRTAC

Bu ilin aprel ayından başlayaraq muxtar respublikanın Kəngərli rayonunun mərkəzi Qıvraq qəsəbəsində Rabitə Evi üçün inşa olunan binada tikinti işləri başa çatdırılıb.

AZƏRTAC-ın Naxçıvan bürosu xəbər verir ki, Rabitə Evi zirzəmi ilə birlikdə 4 mərtəbədən ibarətdir. Burada əhaliyə rabitə xidməti ilə yanaşı, poçt xidmətləri də göstəriləcək. Rabitə Evində iş otaqları, server, “Naxtel” müştəri xidmətləri bölməsi, xidmət zalı, növbətçi otağı, bağlamalar və qəzet-jurnallar üçün 2 otaq, arxiv, iclas zalı, avtomat telefon stansiyası, bufet və qazanxana nəzərdə tutulub.

Hazırda binanın tikintisində bütün işlər yekunlaşıb, binanın ətrafında abadlıq-təmir işləri aparılıb, yeni işıqlandırma sistemi və su xətti çəkilib, yaşıllıq zolağı salınıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.