DÜNYA


Kəraçi meri təyyarə qəzasında sağ qalanların olmadığını bildirib

Bakı, 22 may, AZƏRTAC

Kəraçi şəhəri yaxınlığında baş verən təyyarə qəzasında sağ qalan olmayıb.

AZƏRTAC xarici KİV-lərə istinadla xəbər verir ki, bunu Kəraçi şəhərinin meri Vasim Axtar bildirib. Müxtəlif mənbələrin yaydığı məlumatlara görə, təyyarənin göyərtəsində 100-ə yaxın sərnişin və heyət üzvü olub.

Pakistan Beynəlxalq Hava Yollarına məxsus “Airbus 320” tipli təyyarəsi Kəraçi aeroportuna eniş zamanı qəzaya uğrayaraq yaşayış binalarının üzərinə düşüb. Yerdə ölənlərin olub-olmadığı hələlik məlum deyil. Hazırda qəza yerində hərbçilər və xilasedicilər işləyirlər.

“Çox güman ki, sağ qalan yoxdur”, - “Reuters” agentliyi merin bu sözlərini sitat gətirib. O, həmçinin qeyd edib ki, bu informasiyanın hələ dəqiqləşdirilməsi tələb olunur.

Yerli “Doon” qəzeti isə qəza nəticəsində sağ qalanların olduğu barədə məlumat yayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.