İDMAN


“Keşlə”-“Səbail” oyununda qalib müəyyənləşməyib

Bakı, 4 dekabr, AZƏRTAC

Dekabrın 4-də futbol üzrə Azərbaycan Premyer Liqasının XIII turuna “Keşlə”-“Səbail” oyunu start verilib.

AZƏRTAC xəbər verir ki, “ASK Arena”da keçirilən oyun 2:2 hesablı heç-heçə ilə yekunlaşıb.

Baş hakim Rauf Cabbarovun idarə etdiyi oyunda meydan sahiblərinin heyətində Felipe Santos və Anatole Abanq fərqləniblər. “Səbail”in qollarını isə Rahid Əmirquliyev və Camal Araqo vurublar.

Günün digər oyunu “Qarabağ” və “Sabah” komandaları arasında olacaq. Hazırda Ağdam klubu 27 xalla turnir cədvəlinə başçılıq edir. On dörd xalı olan paytaxt təmsilçisi isə beşincidir. FIFA referisi Əliyar Ağayevin idarə edəcəyi görüş saat 18:15-də başlayacaq.

Tura dekabrın 5-də “Neftçi” – “Sumqayıt” və “Zirə” - “Qəbələ” oyunları ilə yekun vurulacaq.

Qeyd edək ki, on iki turdan sonra turnir cədvəlinə 27 xalla “Qarabağ” klubu başçılıq edir. Aktivlərində 22 xalı olan “Zirə” və “Qəbələ” ikinci və üçüncü yerləri bölüşür. İyirmi xal toplayan “Neftçi” isə dördüncü yerdə qərarlaşıb. Digər pillələrdə müvafiq olaraq “Sabah” (14), “Sumqayıt” (11), “Keşlə” (11) və “Səbail” (10) yer alıblar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.