İQTİSADİYYAT


“Khazar” zavodunda istehsal olunan avtomobillərin 95 faizi satılıb

Bakı, 21 fevral, AZƏRTAC

Neftçala Sənaye Məhəlləsindəki “Khazar” avtomobil zavodunda ötən il 1000-dən çox avtomobil istehsal edilib və onların 95 faizi satılıb.

AZƏRTAC xəbər verir ki, bu barədə İqtisadiyyat Nazirliyi məlumat yayıb.

Bildirilir ki, “Khazar” zavodu Sənaye Məhəlləsindəki ən böyük müəssisədir. Zavod ildə 10 min avtomobil istehsal etmək gücünə malikdir. Müasir texnologiyalar, avadanlıq və mexanizmlər əsasında qurulmuş zavodda “Khazar”, “AzSamand” və “Peugeot” avtomobil modelləri istehsal edilir. Artıq zavodda avtomat ötürücü qutusu ilə təchiz olunmuş “Peugeot Khazar” avtomobillərinin istehsalına da başlanılıb. “Khazar” zavodunda istehsal edilən avtomobillər “Avro-5” və beynəlxalq təhlükəsizlik standartlarına tam uyğundur.

Müəssisədə 200 nəfər işlə təmin edilib və istehsalın genişlənməsi ilə iş yerlərinin sayının 300-ə çatdırılması nəzərdə tutulur. “Khazar” avtomobilləri “Made in Azerbaijan” brendi ilə xarici ölkələrə də ixrac olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.