İDMAN


Kiçik yaşlı yeniyetmə cüdoçular arasında 6 çəki dərəcəsində qaliblər müəyyənləşib

Bakı, 7 may, AZƏRTAC

Kiçik yaşlı (U-15) yeniyetmə cüdoçuların Azərbaycan birinciliyi davam edir.

Azərbaycan Cüdo Federasiyasından AZƏRTAC-a bildiriblər ki, yarışın ikinci günündə oğlanlar və qızlar arasında 6 çəki dərəcəsində qaliblər müəyyənləşib. Belə ki, Yağmur Abdullayeva (32 kq), Leyla Ələkbərova (44 kq), Zəhra Hüseynzadə (57 kq) qızlar, Məhəmmədəli Hüsüyev (38 kq), Nemət İsayev (50 kq), Amin Mehdiyev (66 kq) oğlanlar arasında keçirilən yarışda qalib adını qazanıblar.

Yarışın təşkilində əsas məqsəd yeniyetmələr və gənclər arasında cüdo idman növünə marağın artırılması, onun təbliği və yarışlarda ölkənin bütün regionlarının təmsil olunmasına nail olmaqdır.

Sabah başa çatacaq birinciliyə Azərbaycanın müxtəlif regionlarından, klublarından, cəmiyyətlərindən və idman təşkilatlarından 650-yə yaxın idmançı qatılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.