CƏMİYYƏT


Kiçikhəcmli gəmi istifadəçilərinin maarifləndirilməsi işi davam etdirilir

Bakı, 17 sentyabr, AZƏRTAC 

Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidməti nazirliyin Aran Regional Mərkəzinin əməkdaşları ilə birgə sentyabrın 17-də Yevlax rayonunun Xanabad kəndində gəmi istifadəçiləri üçün maarifləndirmə tədbiri keçiriblər.

FHN-dən AZƏRTAC-a bildiriblər ki, “Kiçikhəcmli gəmilərin təhlükəsiz istismarı” mövzusunda keçirilən tədbirdə kiçikhəcmli gəmilərin istifadəçilərinə gəmilərin qanunvericiliklə nəzərdə tutulmuş qaydada dövlət qeydiyyatına alınması və texniki baxışdan keçirilməsi, gəmilərin sürücüləri tərəfindən sürücülük vəsiqələrinin alınmasının vacibliyi diqqətə çatdırılıb.

Eyni zamanda, kiçikhəcmli gəmilərin sürücüləri xilasedici vasitələr və həmin vasitələrdən istifadə qaydaları haqqında da maarifləndirilib.

Sonda gəmilərin istifadəçilərinə kiçikhəcmli gəmilərin təchizatı və təhlükəsiz istismar qaydaları haqqında maarifləndirici broşürlər paylanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.