DÜNYA


Kim Çen Inın Seula səfərinin vaxtı dəqiqləşib

Bakı, 7 dekabr, AZƏRTAC

Koreya Respublikasının Prezidenti Mun Ce-in KXDR lideri Kim Çen Inı dekabrın 12-14-də Seula səfərə dəvət edib.

AZƏRTAC TASS informasiya agentliyinə istinadla xəbər verir ki, bu barədə “Chosun ilbo” qəzeti məlumat yayıb. Nəşrin məlumatına görə, Mun Ce-in artıq Kim Çen Ina rəsmi dəvət göndərib. Bununla əlaqədar Cənubi Koreya Prezidenti administrasiyasının Şimali Koreya istiqamətində fəaliyyətinin aktivləşməsi müşahidə olunur.

Xatırladaq ki, 2018-ci ildə KXDR və Koreya Respublikası liderlərinin üç sammiti keçirilib. Pxenyanda baş tutan son zirvə görüşü zamanı Kim Çen In “yaxın vaxtlarda” Seula səfər edəcəyinə vəd vermişdi. Bir qədər sonra isə Cənubi Koreya Prezidenti bildirmişdi ki, səfər 2018-ci ilin sonunadək baş tuta bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.