MƏDƏNİYYƏT


Kitabxana Mikayıl Müşfiq yaradıcılığına müraciət edərək videoçarxlar hazırlayıb

Bakı, 22 may, AZƏRTAC

Xəzər rayon Mərkəzləşdirilmiş Kitabxana Sisteminin 3 nömrəli filialı Azərbaycan poeziyasının inkişafında böyük rol oynamış Mikayıl Müşfiq yaradıcılığına müraciət edərək videoçarxlar hazırlayıb.

Kitabxanadan AZƏRTAC-a bildirilib ki, videoçarxlarda şairin yazdığı kitablar nümayiş olunur və Azərbaycan Yazıçılar Birliyi Xəzər bölməsinin üzvü, gənc yazar Saleh Səbat böyük şair M.Müşfiqin yazdığı “Gecə düşüncəsi“ adlı şeirini səsləndirib.

Mikayıl Müşfiq öz əsərlərində sevgi və gözəlliyi tərənnüm edib. Onun şeirlərində sosial və mədəni məsələlərə dair fikirlər ifadə olunub. Stalin repressiyasının qurbanı olan şair yaradıcılığının çiçəkləndiyi dövrdə - 1938-ci ildə güllələnib. 1956-cı il mayın 23-də SSRİ Ali Məhkəməsinin Hərbi Kollegiyasının qərarına əsasən ölümündən sonra bəraət alıb.

Azərbaycan Respublikası Nazirlər Kabinetinin 7 may 2019-cu il tarixli qərarı ilə Mikayıl Müşfiq ölkəmizdə əsərləri dövlət varidatı elan edilən müəlliflərin siyahısına daxil edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.