MƏDƏNİYYƏT


Kitabxana əməkdaşları şagirdlərə kitablar hədiyyə edib

Bakı, 16 may, AZƏRTAC

Mayın 16-da Bakı Şəhər Mədəniyyət Baş İdarəsi Yasamal rayon Mirzə Şəfi Vazeh adına Mərkəzi Kitabxanasının əməkdaşları oxucunun mütaliəsini istiqamətləndirmək, oxu dairəsini genişləndirmək məqsədilə Yasamal rayon 225 nömrəli tam orta məktəbdə “Kitab oxumaq bizə nə öyrədir” adlı tədbir keçirib.

Kitabxanadan AZƏRTAC-a bildirilib ki, tədbirdə çıxışçılar mütaliənin əhəmiyyətinin qeyd edərək kitabın keçmişimizi, zəngin mədəniyyətimizi bizə çatdırdığını söyləyiblər.

Sonra mövzu ilə əlaqədar uşaqlar arasında sorğu keçirilib. Sorğuda şagirdlər dünya ədəbiyyatının tanınmış nümayəndələrindən Aqata Kristi, Stiven Kinq, Conatan Svitt, Jül Vern, Tomas Mann və digər müəlliflərin əsərlərini oxuduqlarını bildiriblər.

Sonda məktəbin müəllimi Şəfəq Bağırova şagirdlərin dünyagörüşünün formalaşması və mütaliənin təbliğində kitabxanaların rolunu yüksək qiymətləndirərək kitabxana əməkdaşlarına təşəkkür edib.

Kitabxana əməkdaşları tərəfindən şagirdlərə kitablar hədiyyə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.