MƏDƏNİYYƏT


Kitabxana əsgərlərimizə dəstək məqsədilə videoçarxlar hazırlayıb

Bakı, 24 noyabr, AZƏRTAC

Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin mərkəzi kitabxanası koronavirus pandemiyasının hökm sürdüyü bu dövrdə öz torpaqlarımızda gedən Vətən müharibəsində vuruşaraq qalibiyyət qazanan əsgərlərimizə dəstək olmaq məqsədilə videoçarxlar hazırlayıb.

İdarədən AZƏRTAC-a bildirilib ki, videoçarxlar kitabxananın “Facebook” və “Instagram” səhifələrində oxuculara təqdim edilib.

Hər azad olunmuş torpaqlarımızda zəfər bayrağımızı dalğalandıran müzəffər əsgərlərimizin igid ruhu nəinki yetkin insanları, kiçikyaşlı oxucuları da qürurlandırır. Əsgərlərimizin cəbhə bölgəsində göstərdiyi şücaətə görə kiçikyaşlı oxucularımız hazır etdikləri videogörüntülərlə onlara dəstək olurlar.

Bu vətənpərvər ruhlu oxuculardan biri də Nəcməddin Sadıqzadədir. O, təqdim etdiyi videoçarxda əsgərlərə Azərbaycan, ingilis, rus dillərində müraciət edib və “Azərbaycan əsgəri” şeirindən bir hissə səsləndirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.