MƏDƏNİYYƏT


Kitabxanada “Əbədiyaşar Üzeyir bəy milli musiqimizin banisi kimi” adlı dəyirmi masa

Bakı, 16 sentyabr, AZƏRTAC

Sentyabrın 16-da Bakı Şəhər Mədəniyyət Baş İdarəsi Ruhulla Axundov adına Mədəniyyət Evində “Əbədiyaşar Üzeyir bəy milli musiqimizin banisi kimi” adlı dəyirmi masa keçirilib.

Baş İdarədən AZƏRTAC-a bildirilib ki, dəyirmi masa Mədəniyyət Evi və Xəzər rayon Mərkəzləşdirilmiş Kitabxana Sisteminin (MKS) 3 nömrəli filialının təşkilatçılığı ilə təşkil edilib.

Tədbiri Mədəniyyət Evinin direktoru Afət İbrahimova açaraq dahi Üzeyir Hacıbəylinin həyatı və yaradıcılığı haqqında məlumat verib. Daha sonra Xəzər rayon MKS-nin 3 nömrəli filialının direktoru Ülviyyə Xudaverdiyeva Milli Musiqi Günü barədə danışıb.

R.Axundov adına Mədəniyyət Evinin bədii rəhbəri Aynurə Əsədova və metodist Natəvan Hüseynova Üzeyir Hacıbəylinin milli musiqimizin inkişafında əvəzsiz rolundan, onun nəinki bir bəstəkar, həm də musiqişünas alim, publisist, dramaturq, pedaqoq və ictimai xadim kimi xidmətlərindən bəhs edən məruzələrlə çıxış ediblər.

Sonra iştirakçılar Üzeyir Hacıbəylinin əsərlərindən ibarət kitab sərgisi ilə tanış olublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.